Umeentzako jolas-parkea atonduko da Derioko frontoian
Derioko Udalak jakinarazi duenez, “Derio olgetan” ekimenaren baitan, umeentzako jolas-parkea atonduko da azaroaren 19an eta 20an, abenduaren 17an eta 18an eta urtarrilaren 14an, 15ean, 21ean eta 22an. Helburua da “gaztetxoen entretenimendu aktiboa bultzatzea udazkeneko arratsaldeetan”. Jolas-parkea esandako egunetan, 17:00etatik 20:00etara, izango da kiroldegiko frontoian eta, besteak beste, puzgarriak, tailerrak eta jolasak egongo dira bertan. Hamahiru urtera arteko umeentzako ekintza da.