Adierazpenean jaso den moduan, erasoa irmo gaitzesteaz gainera, Derioko Udalak “babes eta elkartasun osoa eskaintzen die erasoa jasan duen emakumeari, haren senideei eta Bizkaibuseko langile guztiei, Bizkaiko herritar guztientzat funtsezkoa den zerbitzuaren funtzionamendua ahalbidetzen baitute”. Era berean, “une honetan behar dituen udal-baliabide guztiak jartzen ditu biktimaren esku”.
Bestalde, eskerrak eman dizkie “esku hartu duten profesional guztiei, bai biktimari emandako arretagatik, bai martxan jarritako ikerketa-lanengatik”, eta adierazi du konpromiso irmoa duela “pertsonen oinarrizko eskubideen eta duintasunaren aurka doan edozein indarkeria motaren kontra lan egiten jarraitzeko”. Azkenik, dei egin die herritarrei “bere egiteko edozein motatako indarkeria onartezinen kontrako borroka, erne iraun eta konpromisoa har dezatela indarkeria hau jasaten duten pertsonei lagundu ahal izateko”.