Sarituen artean izan ziren Doyan Taekwondo Klubeko hainbat kirolari, borrokan zein teknikan gailentzen direnak –Violeta Perez, Ane Vallo, Alaitz Anton eta Aitor de la Torre, banaka batzuk aipatzearren–; Txorierriko Basketland klubeko emakumeen kadete-taldea; Derio CDko gizonen gazte-taldea; eta Susana Gandarias eta Zion Uria atletak. Era berean, esker ona adierazi zieten 2022an urteurrena ospatu duten elkarteei. Horiek dira Miragarri taldea (25 urte), CF Pozgarri (25 urte), Doyan (40. Urte) eta Derioko Emakumezkoen Futbol Taldea (10 urte). Azkenik, saria eman zioten Untza mendi-taldeari, herrian mendi-zaletasunagatik bultzatzea eta udal-egitasmoetan parte hartzeagatik, adibidez, Derio Euskadi Ezagutzen programan.
Barikuan, urtarrilak 23, jendetza handia batu zen Derioko Kultur Birikan, bertan Kirolaren Gala bigarren aldiz egin zen eta. Galan, Derioko Udalak esker ona adierazi zien herriko kirol-talde eta -klubei egindako ahaleginagatik eta sustatutako balioengatik: konpromisoa, esfortzua, sakrifizioa, talde-lana, elkartasuna eta errespetua.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).