“Derio erreferente bihurtu da Txorierrin, jasangarritasunaren, energia-eraginkortasunaren eta ingurumenaren alde egindako apustu honengatik”, adierazi dute. Azaldutakoaren arabera, gaur egun argiak aldatu diren eremu guztiak aztertzen dabiltza, indartzeko premia duten gunerik dagoen baloratzeko. Hori dela eta, deia egin diete herritarrei, martxoan Gertuan zerbitzuaren bidez euren ekarpenak egin ditzaten: udala@derio.eus; 944 541 019; eta aurrez aurre, astelehen, eguazten, eguen eta barikuetan, 08:30etik 15:30era, eta martitzenetan, 08:30etik 18:00etara.