Antolatzaileek jakinarazi dutenez, lehiaketan ibili ahal izateko, musika-taldeek gutxienez bi partaide izan beharko dituzte; hau da, ez da bakarlaririk onartuko. Parte-hartzaileen kopuru mugatua egongo da, eta, hortaz, taldeek bideo edo audio bat bidali beharko dute izen-ematearekin batera, antolatzaileek hautaketa egin ahal izateko. Euren erabakia apirilaren 24an emango dute ezagutzera.
Lehiaketa ekainaren 2an eta 9an egiteko asmoa dute. Kontzertu bakoitzak gutxienez 30 minutu iraungo du, eta ez da mezu arrazistarik, homofoborik eta matxistarik onartuko. Epaimahaiak lehiaketaren amaieran esango du irabazlea nor den, eta hori aukeratzeko, musika-maila eta eszenaratzea hartuko ditu kontuan. Edozelan ere, kontzertu guztiak grabatuko dira eta parte-hartzaileek kopia bana jasoko dute. Gutxieneko parte-hartzaileen kopururik ez egotearen ondorioz lehiaketa bertan behera gelditzen bada, antolatzaileek saria eman gabe uzteko eskubidea dute.