Auto elektrikoak kargatzeko zazpi gune atonduko dira Derion
Derioko Udalak esleitu du herrian auto elektrikoak kargatzeko zazpi gune atontzeko kontratua. Karga-guneak leku hauetan ipiniko dira: Kultur Birikan, kiroldegiko parkingean, eskolako aparkalekuan, Euskalherria kalean, Aldekonen, Ganben eta Errekatxuetan. Udalak azaldu duen moduan, egitasmoaren helburuak dira herritarrei auto elektrikoak kargatzea erraztea, isuri gutxiko mugikortasuna bultzatzea eta hiriko eredu jasangarria indartzea.