Katuen koloniak kontrolatzeko programa martxan ipini dute Derion
Derioko Udalak jakinarazi duenez, CER programa ipini du martxan herriko boluntario batzuekin batera. CER programaren helburua da herriko katuen koloniak kontrolatzea; horretarako, katuak harrapatu, esterilizatu, eta koloniara itzultzen dira. Ondorioz, kolonietako katuen kopurua murrizten da, eta katuen ongizatea hobetzen da. Era berean, animaliak higiene- eta osasun-egoera onean izaten dira.