“Gazteen iritzia oso garrantzitsua da guretzat, Derion aisialdirako dituzten interesak, beharrak eta nahiak hobeto ezagutzen laguntzen digulako, eta Udaletik aldaketa hori bultzatu nahi dugu”, adierazi du Esther Apraiz jarduneko alkateak. Guztira, 11 galderak osatzen dute galdetegia: aisialdiko jardueren tipologia, non praktikatzen diren, egungo eskaintzaren balorazioa, egin daitezkeen hobekuntzak edo informazioa jasotzeko erabiltzen dituzten komunikazio-bideak...
Erabiltzaileek proposamenak jakinarazi ahal izango dituzte. Inkesta udalaren webgunean dago irakurgai, baita gizarte sareetan ere. Edozeinek du horri erantzuteko aukera.