Espainiako Gobernuak “Generación D” hitzarmena sustatu du, herritarren gaitasun digitalak garatzeko. Horren berri emateko, kanpaina ibiltaria jarri du martxan, hau da, autobus bat herriz herri ibiliko da, eta ekainaren 1etik 3ra bitartean, Derion izango dugu. Autobusa Arantzazu kaleko 2. zenbakian, kiroldegiaren aurrean, jarriko da. Bere ordutegia hau izango da: 10:00-13:00 eta 17:00-20:30. Informazioa eta erreserbak telefono eta helbide honetan daude: 900 101 493 / reservas@unetelageneraciond.es
Autobusa Bizkaitik dabil eta, besteak beste, herri hauek bisitatu ditu: Arrigorriaga, Barakaldo, Bilbao, Bermeo, Erandio eta Mungia. Autobusean, erabiltzaileek euren trebetasun digitalak aztertuko dituzte hainbat ekintzaren bidez: escape room, tailerrak, jarduera dinamikoak... Ekimenak Derioko Udalaren babesa ere badu. “Generación D” hitzarmena hainbat enpresak eta erakundek sinatu dute, bai publikoek, bai probatuek.
Proiektuari esker, Espainiako Gobernuak helburu batzuk bete nahi ditu: topagunea sortu nahi du, bertan zenbait eragile (enpresak, fundazioak, hedabideak...) elkarlanean aritzeko; arrakala digitala gainditzea; sentsibilizazio-kanpaina zabaltzea; herritarrak digitalizazioan trebatzea...
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
