Baserri Antzokiak (BAN) antolatuta, Txorierriko musika-taldeen lehiaketa hasi da asteburuan. Lehiaketan pop eta rock estiloetako 11 talde dabiltza parte hartzen, eta lehen kontzertuak dagoeneko egin dira. Horrela, barikuan, ekainak 2, Cruce de Miradas, Broken Izotz, Santi Matxete y Los Pieles Rojas eta Perroloco taldeak igo ziren BANeko agertokira; eta zapatuan, ekainak 3, Brokend, Isildu Zaitez, Midnight Road eta Korroxion. “Guztiek oso maila ona erakutsi dute”, esan dute antolatzaileek. Azken kontzertuak aste honetako barikuan, ekainak 9, izango dira: Nada Cool, Rebel to Hope eta Garaje Drama. Kontzertuak amaitzen direnean jakinaraziko da irabazlea nor den, eta horrek 500 euro jasoko ditu saritzat. Txakoli Butroik babestutako ekintza da.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).