Derioko Udalak jakinarazi duenez, estali gabeko igerilekuak zapatuan, ekainak 10, irekiko dituzte eta irailaren 10era arte izango dira zabalik. Abonuak uztailaren 27ra arte eskuratu ahalko dira udal-kiroldegian, 09:00etatik 21:00etara. Gainera, 944 540 159 eta 946 567 323 telefono-zenbakietara eta kirol@deriokoudadala.net helbide elektronikora jo daiteke argibide bila. Bestalde, igerilarientzako ordutegiari eutsiko zaio astelehenetik barikura, 09:00etatik 11:00etara.
Familientzako abonuak 71,60 euro balio ditu Derion erroldatuentzat; eta 97,29 euro, gainerakoentzat. Banakako abonuak 35,84 euro balio ditu 18 urtetik beherako derioztarrentzat; eta 51,21 euro, 18 urtetik gorako derioztarrentzat. Derion erroldatuta ez daudenen kasuan, 56,33 euro balio ditu 18 urtetik beherakoentzat; eta 76,81 euro, gainerakoentzat. Nolanahi ere, Derion erroldatuta daudenek zein ez daudenek eguneko sarrerak erosi ahalko dituzte prezio berean: helduek, bost euroan; eta umeek, lau euroan. Gainera, 10 erabilerako bonuak erosi ahalko dira 35 euroan, eta bonu bera pertsona ezberdinek erabili ahalko dute. Udalak ohartarazi du udal-kiroldegia abuztuan itxiko dela mantentze-lanak egiteko.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).