Pistak aukera emango du zenbait modalitateetako kirol-jarduerak praktikatzeko aukera, hala nola skatea eta mendiko bizikleta, eta adin guztietako erabiltzaileek disfrutatu ahalko dute, zailtasun-maila ertainekoa bada. Mila eta hirurehun metro karratu inguruko eremua hartuko du, eta zirkuituak bi ibilbide izango ditu: bata, 105 metrokoa; eta bestea, 55 metrokoa. Biek bi metroko zabalera izango dute. Guztira 30 oztopo edo arrapala egongo dira, jauziak egiteko eta erabiltzaileek praktikatu dezaten. Bestalde, zirkuitua diseinatu da bira oso bat pedalei eragin gabe edo oinez bultzatu barik egin ahal izateko. Halaber, aldi berean 16 erabiltzaile ibili ahalko dira pistan.
“Gure gazteei entzuten diegu, eta haien eskaerak errealitate bihurtzen ditugu. Pista hau da gazteentzako programak, zerbitzuak eta instalazioak hobetzeko egiten gabiltzan apustuaren beste adibide bat. Hala, egitasmoari esker, aire zabaleko kirol- eta aisialdi-eskaintza aberastuko dugu”, esan du Esther Apraiz Derioko alkateak.