Herri Ikastetxeko Haur Hezkuntzako eraikin osoari zerbitzua ematen dion komun-gunea berrituko da. Gainera, bi ikasgelatarako bi komun berri sortuko dira. Horrela, gela horiek guztiek komun independentea izango dute. Lanek ez dute eraginik ikasleengan izango, udan egingo baitira. Apraizen esanetan, irailean “instalazio modernoagoak eta seguruagoak aurkituko dituzte”.
Gainera, beste hobekuntza batzuk ere egingo dira udan, 90.000 euroren truke: konexio berriak sortuko dira ikasgelen artean; korridoreko sarbideak handituko dira, horien funtzionaltasuna hobetzeko; eta ekialdeko fatxadan, kanporako sarbide berri bat egingo da. Han eskailera berriak eta irisgarritasuna bermatuko duen arrapala bat eraikiko da, eta, horri esker, eremu hori aisialdirako erabili ahal izango da. Jarduera horiek Udalaguntza 2022 programaren barruan daude, Eusko Jaurlaritzako Hezkuntza Sailak ikastetxeei zuzendutako udal-jabetzako eraikinetako gastuak ordaintzeko.