Derioko Udalak jakinarazi duenez, 30 eguzki-plaka ipini dituzte udaletxeko teilatuan. Eguzki-plakak ipini dira energia garbien eta efizientzia zein trantsizio energetikoaren aldeko estrategiaren baitan, eta udalaren hitzetan, eraikinaren energia-kontsumoaren zati handi bat beteko du, “% 42,4ko autokontsumoa dakar eta”. Aurreikuspenen arabera, “urtean 20.340 kWh energia elektrikoa sortuko da, eta 7,26 tona karbono dioxido gutxiago isuriko da. Era berean, urtean 3.984,68 euro aurreztuko dira”.
“Plaka hauek ipinita aurrerapauso garrantzitsua egiten ari gara energia berriztagarrien eta ingurumenaren iraunkortasunaren alde. Horrezaz gainera, aurrezpen handia ekarriko dio udal-kutxari, aurrezten den dirua beste beharrizan edo udal-zerbitzu batzuetara bideratuko da eta. Derioztarrentzat eredua izan nahi dugu, eta bide honi jarraitzera animatzen ditugu”, azpimarratu du Esther Apraiz alkateak.
Apraizek gogora ekarri duenez, bigarren fasean eguzki-plakak udal-kiroldegian ipiniko dira, eta pixkanaka-pixkanaka udalaren beste zerbitzu eta bulego batzuetan jarriko dira, horietan ere energia elektrikoaren autokontsumoa sustatzeko.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
