Galiziako Xuntak “Galicia sabe amar” kanpaina bultzatu zuen 2021eko udan, herritarrak itsasoko produktuak dastatzera animatzeko eta arrantzaleen eta itsaskilarien lanaren garrantzia azpimarratzeko. Harrezkero, lau janari-kamioik edo food truck-ek Estatutako hainbat herritaraino eramaten dute Galiziako itsasadarretako zaporea. Haietako bat Derion izango da zapatuan eta domekan, uztailak 8 eta 9. Zehatz-mehatz, 12:00etatik 15:00etara eta 19:00etatik 22:00etara izango da Sollube kalean. Galiziako itsasoko produktuak doan dastatzeko aukera egongo da.