“Proposamenak aztertzerakoan, sorpresa ugari egon dira, gehienak onak. Haietako batzuk aurretik bazeuden ohiko aurrekontuetan jasota; eta beste batzuk, aurreikusita egon gabe ere, egingarriak eta aberasgarriak direla iritzita, aurrera begirako planetan txertatzea erabaki da. Beste batzuk, ordea, ezingo dira gauzatu, ez daudelako udalaren esku, beste udal edo erakunde batzuen konpetentzia dira eta”, azaldu dute.
Derioztarrek lau proposamen dituzte aukeran, aurrekontuetan sartzeko
Aurten, herritarrek 137 egitasmo proposatu dituzte Derioko 2024ko aurrekontuetan sartzeko. Proposamen horien bideragarritasuna aztertu, eta lau hautatu dira herritarrek bozkatu ditzaten. Proposamenak hauek dira: kirol-kantxen alboak ixtea (80.000 euro), skate park handitzea eta hobetzea (90.000 euro), txiki park berri baten bideragarritasun-proiektua egitea (18.000 euro); eta radar pedagogikoak instalatzea eta trafikoa arintzeko bestelako baliabideak (30.000 euro). Proposamenak urriaren 2tik 8ra bozkatu ahalko dira.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).