Ikastaroa urritik maiatzera bitartean egingo da eta orotara 12 saio izango dira: barikuetan, 18:30etik 21:00etara; eta zapatuetan, 10:00etatik 18:30era. Asteburu bateko irteera ere egingo da. Guztira 150 ordu teoriko eta 160 ordu praktiko egingo dira. euskara-maila egokia izatea beharrezkoa da, ikastaroa euskaraz izango delako eta parte-hartzaileek memoria euskaraz idatzi beharko dute eta. Horrela, lan egiteko aukera eskaintzeaz gainera, ikastaroak sustatzen du aisialdian euskararen erabilera bultzatzen lagunduko duten begiraleen prestakuntza. Izena ematea hemen egin daiteke irailaren 15era arte. Doako ikastaroa da, baina 100 euro ordaindu beharko dira gordailu gisa; ikastaroa egin eta baldintzak bete direla ziurtatu ondoren itzuliko da dirua.
Aisialdiko begirale titulua lortzeko ikastaroan izena emateko epea zapatura arte luzatu da Derion
Derioko Udalak aisialdiko begirale titulua lortzeko ikastaroa antolatu du Gaztetxo Eskolarekin elkarlanean. Helburua da gazteei aisialdian eta hezkuntzan lan egiteko balioko dien titulazioa lortzeko aukera eskaintzea. Ikastaroan izena emateko epea zapatura arte, urriak 7, luzatu da, eta gainera, deialdia Txorierriko gazte guztiengana zabaldu da. Izena ematea hemen egin daiteke.