Zehatz-mehatz, 4.000 euro zuzenduko dira atzerrian hizkuntza ikastetik eratorritako gastuak ordaintzen laguntzera; eta 9.000 euro, musika- eta dantza-ikasketei laguntzera. Dirulaguntza baldintzak betetzen dituzten eskatzaile guztiei emango zaie. Dirulaguntzaren zenbatekoa izango da benetan justifikatutako gastuen % 50, eta pertsona bakoitzak gehienez 500 euro jasoko ditu, jarduera bakoitzari esleitutako diru-partida kontuan hartuta. Eskaera gehiegi egiteagatik % 50a emateko diru nahikoa izan ezean, onuradun bakoitzak benetan justifikatutako gastuaren ehuneko bera jasoko du. Era berean, jarduera baterako dirua sobera izanez gero, besteari laguntzeko erabiliko da. Deialdiaren baldintzak hemen kontsultatu daitezke.
Derioko Udalak deialdia zabaldu du dirulaguntza emateko, alde batetik, aurreko ikasturtean atzerrian hizkuntza ikasten ibili diren derioztarrei; eta bestetik, aurreko ikasturtean ere musika- eta dantza-ikasketak egin dituztenei. Atzerriko hizkuntza-ikasketen kasuan, dirulaguntzak hegazkin-txartelei eta ostatu-gastuei dagozkien gastuak hartuko ditu barne. Udalak 13.000 euroko partida zuzenduko du dirulaguntzetara eta eskaerak urriaren 31ra arte aurkeztu ahalko dira.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).