Zapatu goizean, bertoko ekoizleek euren produkturik onenak eraman zituzten Baserri Antzokira, eta perretxikoak ere ikusgai ipini ziren Zizegorri Zamudioko mendi-taldearen eskutik. Era berean, euskal dantzen agerraldia egin zuten dantza talde hauek: Erandioko Goi Aldek, Sondikako Gorantzaileak taldeak eta Derioko Lainomendik. Miragarri Derioko taldearen dantzariek ere erakustaldi bikaina eskaini zuten bertaratuen gozamenerako. Bestalde, zer jan eta edan izan zen Baserri Antzokian eta, besteak beste, txakolina, gildak eta pastelak egon ziren indarrak berritzeko. Umeek eta gazteek ederto pasatu zuten perkusio-tailerrean eta Entzi eta Otsoa musikarien doinuek arratsaldea girotuko dute.
Domeka bizikleta izan zen protagonista. Gela Pedagogikoaren gidaritzapean, sei kilometroko ibilbidea egin zen: Baserri Antzokitik atera, eta Deriotik paseoa eman ostean Baserri Antzokira itzuli ziren parte-hartzaileak; han hamaiketako gozoa eta osasungarria zuten zain. Opariak ere zozketatu ziren bertaratutakoen artean.