“Proiektu honek hiru helburu ditu”, adierazi du Esther Apraiz alkateak. “Batetik, mota horretako autoak gure herrian kargatzeko aukera errazten dugu. Bestetik, emisio kutsatzaile eta zarata gutxiko mugikortasuna bultzatzen dugu; horrela, herri-eredu iraunkor eta ingurumena gehiago errespetatzen duen herri-eredu jasangarri baten aldeko konpromisoa indartzen dugu”.
Ibilgailu elektrikoak kargatzeko zazpi gune atondu dira Derion
Derioko Udalak zabaldu duenez, ibilgailu elektrikoak kargatzeko makinak leku hauetan ipini dira: Kultur Birikan, kiroldegiko aparkalekuan, eskolako aparkalekuan, Euskalherria kalean, Aldekonan, Ganben eta Errekatxuetan. Zerbitzua erabiltzeko, Cable Energia aplikazioa deskargatu behar da, eta erabiltzaileari, ibilgailuari eta ordainketa-metodoari buruzko informazioa adierazi. Izena eman ondoren, karga-prozesua hasi daiteke, hori zein gunetan egingo den aukeratuta. Nolanahi ere, erabiltzaileentzako eskuliburua www.derio.eus webgunean dago eskuragarri.