Horrela, orain dela gutxi Bilboko San Luis Bigarren Hezkuntzako Institutuan izan gara Gizarteratze goi-mailako ikasleekin. Gazte horiek laster hasiko dira lana topatzen eta guk azaldu diegu gure erakundearen eginkizuna zein den. Era berean, zerbitzua erabiltzen duten pertsonetako batzuk bertatik bertara ezagutzeko aukera izan dute. Zehatz-mehatz, azaldu diegu gizartetik kanpo egoteak ekartzen dituen arazoak zeintzuk diren, eta PAI Bitartean zerbitzuan gizarteratze-prozesuei nola heltzen diegun. Saioan parte hartu dugu Derioko eguneko zentroko langile batek eta erabiltzaile bik. Erakundeari buruzko azalpenak eman ondoren, kontatu diegu gizarteratze-teknikariaren eginbeharrak zeintzuk diren; era berean, PAI Bitartean zentroan artatzen ditugun pertsonen bizitza hurbildu diegu.
Saioa amaituta, pozik azaldu gara guztiok. Ikasleei eta irakasleari agur esan diegu, eta azken horrek eskatu digu datorren ikasturtean ere hitzaldia emateko. Hortaz, lerro hauek baliatu nahi ditugu behar duenak hitzaldiei eta heziketa-saioei buruzko informazioa eskatu ditzan. Hurrengo helbide elektroniko honetara jo dezake: bitartean@emaus.com.