Lehiaketan, hiru kategoria izango dira: banaka, talde txikiak eta talde handiak. Sariei dagokienez, 50 eurotik 250 eurora bitarteko 11 diru-txartel emango dira Derioko merkataritzan eta ostalaritzan gastatzeko. Desfilea 18:00etan hasiko da San Isidro elizatik eta Batukada Battuere taldeak girotuko du. Mozorro lehiaketa 19:00etan izango da estalitako kantxetan, eta 20:00etatik aurrera Malas Compañías taldearen musika gozatzeko aukera egongo da kale artean.
Domekan, 18:00etan, dantzatzeko musika egongo da Nagusien Etxean. Horrezaz gainera, #JantziDerio kanpaina egingo da tabernariekin. Tabernetan maskara eskatu, argazkia egin eta esandako traola idatzita igo behar da gizarte-sareetara. Parte-hartzaileen artean 50 euroko bi txartel zozkatuko dira.