Elkarteak 1.200 bazkide ditu gaur egun, 14 autonomia-ordezkaritza eta hiru probintzia-ordezkaritza Euskadin. Azaldu dutenez, euren helburua da oilagorra modu jasangarrian ehiztatzea, eta horretarako, konpromiso aktiboa dute espeziearen kontserbazioarekiko eta bere inguruarekiko. Hori dela eta, hainbat proiektu sustatu dituzte eta Europako egitasmoetan ere hartzen dute parte; esaterako, hegaztiei eraztuna ipintzeko taldean edo errolda-taldean.
Asteburuan Oilagorrari buruzko Nazioarteko Hitzaldia egingo da Derion
Ekitaldia maiatzaren 17tik 19ra izango da Hotel Seminarioan, eta bertan nazioarteko adituak batuko dira espeziearen kudeaketari lotutako alderdi nagusiak jorratzeko, hala nola datuak biltzea, ugalketa, migrazioa eta populazioa. Oilagorren Ehiztarien Elkarteak 25 urte bete ditu aurten, eta nazioarteko hitzaldia urteurrena ospatzeko egingo dituzten ekintzen baitan dago.