Proposamena jai-batzordeak egin zigun, eta guk onartu genuen. Herri-azoka maiatzaren 11n egin zen. Artisauen postuez gainera, jai-batzordeak gune bat atondu zuen, herriko elkarteek euren burua eta lana jendaurrean aurkeztu zezaten. Gure lana azaltzeaz gainera, erakundearen egunerokotasuna islatzen duten argazkiak ipini genituen gure standean. Era berean, Ganbara Gizarte Irratian parte hartzeko aukera eman genuen. Horretarako, hurrengo galdera honi erantzun behar zitzaion: Zuk zer egiten duzu zure komunitatea hobetzeko?
Beste aldetik, herri-azokan parte hartu genuen erakundeok maiatzaren 17ko pregoian egoteko gonbidapena ere jaso genuen, helburua zelako herriko elkarteak eta erakundeak omentzea. PAI Bitartean eguneko zentroko erabiltzaile eta langile askok parte hartu genuen ekintzan, eta kalejiran irten ginen Kultur Birikatik herriko plazaraino. Gure ordezkariak udaletxeko balkoian izan ziren ekintzak iraun zuen bitartean.
Derioko komunitatearen parte izateak asko pozten gaitu Emaús Gizarte Fundazioko langileok eta erabiltzaileok. Horri lotuta, lerro hauetatik, Derioko jai-batzordeari eskertu nahi diogu aurtengo San Isidro jaietan parte hartzera gonbidatu izana.