Ekitaldia 10:00etatik 14:00etara izango da. Arantza Atutxak, Ingurune Naturala eta Nekazaritza Sustatzeko diputatuak, hasiera emango dio ekitaldiari, eta lanerako planaren berri aurkeztuko du. Bestalde, ekitaldian hurrengo aditu hauek ere hartuko dute parte: Pilar Martinezek, giza garapenaren eta erakunde-garapenaren arloko prestatzaileak; Neus Monllorrek, nekazaritzako gai sozialen arloko aholkulariak eta Amaterraren sortzaileak; eta Saioa Alvarezek, nekazaritzako gai sozialen arloko dinamizatzaileak eta emakume baserritarrentzako lan-planean laguntzeko teknikariak. Besteak beste, solasaldiak izango dira, erronkak eta lorpenak partekatuko dira eta emakume ekintzaileen egitasmoak ezagutaraziko dira, adibidez, EmakumeEKIN, Etxaldeko Emakumeak, Landa XXI eta Saskia elkarteen ekimenak. Talde-dinamikak eta banakako dinamikak ere egingo dira.
Topaketa doakoa den arren, izena eman behar da formulario hau beteta edo saioa.alvarez@amaterra.eu helbide elektronikora idatzita. Topaketa amaitu ondoren, Baserri Antzokian bazkaltzeko aukera egongo da 14 euroan.