Beste toki edo herri batzuetan ere valentziarrei laguntzeko materiala batzen badabiltza, aikortxori@aikor.com helbide elektronikora idatzita edo 747 406 561 telefono-zenbakira whatsappa bidalita jakinarazi ahal diguzu. Beste alde batetik, Sondikako eta Derioko Udalek gizarte-sareetan jakinarazi dutenez, EUDELen eta Eusko Jaurlaritzaren jarraibideen zain daude, laguntza bidaltzeko protokoloa ezartzeko. Hori dakitenean, ohiko bideen bidez jakinaraziko dute.
Valentziara eramateko materiala batzen dabiltza Derion
Bilketa gaurtik eguaztenera arte (azaroak 4, 5 eta 6) egingo dute Marikobaso Espazioan, 17:00etatik 21:00etara, eta hauek batuko dituzte: katiuskak, lanerako buzoak, musukoak, eskularruak, erratzak, trapuak, kuboak, desinfektatzaileak eta palak. Irrintzi tabernan ere hurrengo hauek batuko dituzte 20:00ak arte: pixoihalak (umeentzat zein nagusientzat), umeen esnea, elikagai iraunkorrak, ura, garbitzeko produktuak eta musukoak.