Barikuan, urtarrilak 17, Derioko Kirolaren IV. Gala egin zen Kultur Birikan. Bertako udalak antolatuta, ekitaldiak helburu bikoitza izan zuen: alde batetik, herriko kirolariak, taldeak eta klubak egindako ahaleginagatik eta agertutako konpromisoagatik saritzea; eta bestetik, kirolaren papera herritarrak elkartzeko eta harro egoteko eragile moduan nabarmentzea. Festa-giroan, 21 kirolari eta hiru klub saritu ziren, eta aipamen berezi bat egin zen.
Saridunak hurrengo hauek izan ziren: Txorierri Basketland SK-ko ume, kadete eta senior mailako emakumezkoen taldeak; Elaia García Madroñal (taekwondo); Miragarri Taldeko Haizea Ulecia da Silva eta Nadia Canales Lancharro; Markel Cidon Uria (triathlon); Maialen eta Aimar Salcedo Olivas (motokrosa); Doyan Taekwondo Klubeko Garazi de la Torre, Aitor de la Torre, Lucas Fernández, Leo Fernández, Maddi Acero, Fran Valle, Alaitz Antón, Naiara Arrola, Irene Vallo, Ainhize Achutegui, Izei Barcenilla, Pablo Jiménez, Violeta Pérez eta Ane Vallo; eta Imanol Arriortua Zorrilla (txirrindularitza egokitua). Aipamen berezia Beste Bira Txorierriko Derioko gurasoek jaso zuten.
