Bisita gidatuak apirilaren 4an hasiko dira. Egun horretan, “Pertsona ospetsuak” bisita egingo da, eta parte-hartzaileek hilerrian lurperatuta dauden pertsonaia ospetsuen bizitza eta obra ezagutzeko aukera izango dute. Bisita berriro egingo da apirilaren 30ean, ekainaren 11n eta uztailaren 17an. “Hilerri bat artearekin” bisitan hizpide izango dute hilerriaren alderdi arkitektonikoa, artistikoa eta paisajistikoa, eta egun hauetan egingo da: apirilaren 12an, maiatzaren 29an, uztailaren 9an eta irailaren 5ean. Gainera, hilerriaren alderdi orokor guztiak ezagutu nahi dituztenentzat beste bisita bat egingo da apirilaren 6an eta 27an, maiatzaren 18an, ekainaren 15ean, uztailaren 20an eta irailaren 21ean.
Ibilbide berriei dagokienez, “Emakume bereziak” bisita gidatuak aukera emango du kulturan, zientzian, artean eta gizartean nabarmendu ziren emakumeen bizitza eta obra ezagutzeko. Bisita apirilaren 25ean, ekainaren 19an, uztailaren 25ean eta irailaren 13an eskainiko da. “Hilerria deszifratzen: sinboloak eta irudiak” bisitaren bidez, bestalde, parte-hartzaileek deskubrituko dute hilobiak eta monumentuak apaintzen dituen ikonografia aberatsa eta liluragarria. Bisita maiatzaren 14an, ekainaren 25ean, uztailaren 31n eta irailaren 25ean egingo da.
Azkenik, gaueko bisita antzeztuak egingo dira maiatzaren 30ean eta 31n, ekainaren 1ean, 27an, 28an eta 29an, uztailaren 26an eta 27an, eta abuztuaren 30ean eta 31n. Bisita gehienak gaztelaniaz izango dira, eta gehienez 30 lagunentzako tokia egongo da bisita bakoitzean. Eguneko bisitek bost euro balio dituzte, eta gaueko bisitek, 10 euro. Sarrerak hemen erosi daitezke.