Logoa
Logoa
aikor.eus

Bakarrik emakumeon planto?

Erabiltzailearen aurpegia   Iritzia

Martxoak 8. Gaueko 10ak dira eta ordenagailuaren aurrean jesarri naiz oso sentsazio arraro batekin. 

Gure eguna dela eta, gaur emakumeok planto egin dugu. Hunkigarria eta berezia izan da; milaka gara kalera irten garenok, manifestaldietan egon garenok, sare sozialetan egun honen aldeko mezuak jaso eta bidali ditugunok, baina... non egon dira gizonak?

Badakit ez zeudena deituta, baina ez dut uste berdintasunaren aldeko borroka bakarrik gurea denik -are gehiago, mutil barik ez dugu ezer lortuko-. Badakit gure lana egiten ez dugunean zer gertatzen den agerian azalerazteko asmoa zegoena, baina interesgarriagoa izango litzateke zenbat gizon zeuden emakumeon planto egiteko prest jakitea.

Nire koadrilan, familian, badaude gizon asko lanuzteak egin nahi zituztenak; emakume batekin bizi direlako, alabak dituztelako, berdintasunean sinesten dutelako. Eta gaur, martxoak 8, bere ahotsa zapaldua izan dela sentitzen dute, guk sentitzen dugun bezala.

2019rako espero dut berdintasunaren aldeko planto egitea, emakumeona eta gizonezkoena ere bai.

Erantzunak

Erantzuna | #1

M8an gizonok parte hartzera deituta geunden, modu honetan: urteko beste 364 egunetan nagusiki emakumeok egiten dituzten etxeko eta zaintza lanak egiten, haurrak eskolara eroaten, jatekoa prestatzen, etxea garbitzen...eta noski, arratsaldeko manifestazio mistoan BIGARREN LERROAN parte hartzera ere. M8a jendartearen erdiak bizi duen zapalkuntza ezberdinak salatzeko eguna zen, eta emakumeak izan behar dira protagonista borroka honetan. Gizonok ezin dugu beti protagonista izan, eta horregatik ez gara baztertuak sentitu behar. Berdintasunaren alde modu askotan borroka dezakegu: gure etxeetako komunak garbitzen has gaitezke, adibidez. Hor uzten dut proposamena.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa