Beste kontu bat da zelan egiten den. Hasieran, gurasoak umeekin batera gelan; ondoren, umeak gelan eta gurasoak atean… Eta horrela ordutegia pixkanaka luzatuz. Nik gauzaren bat aldatuko nuke: gela gurasorik gabeko espazioa izatea. Gurasook gelatik kanpo egon beharko ginateke: umeek gurasoak gelan egotera ohitzen direnerako, desagertzen direla ulertu behar dute bestela.
Bestalde, ordu laurdenez luzatzen joaten den ordutegian ez dira kontuan izaten adin honetan hain garrantzitsuak diren bazkalordua eta lo-kuluxka. Egokitzapen aldian, goizez hiru ordu egotetik zazpi ordu egotera pasatzen dira. Goizeko ordutegia arinago luzatuta, egokitzapen barruan sartuko genuke bazkalordua, azken egunerako lo-kuluxka bakarrik utziz.
Txarrena, ordea, familia eta lana uztartzeko baldintzarik ezak itotzen gaituela da, eta ezin dugula momentu honetaz familian gozatu.