Orduan Patxik zer esaten zuen ere ez zekiela keinu eginez, argitu zion bi motatako nazioak daudela, nazio-estatuak eta nazio kulturalak; subiranotasun eskubidearekin lehenak eta beste nazio batzuekin eskubide hori partekatzen zutenak besteak. Horraino denok gaude konforme Patxi, baina beste gauza bat argitzea falta zitzaizun: Nork edo zerk erabakitzen duen halakoak ala bestelakoak diren. Jainkoak? Inperioak? Historiak? Konstituzioak? Agintari batek? Ez Jauna! Nazio horietako herritarren borondateak, nahiak, asmoak. Haiek eta ez beste inork erabaki behar dute. Inondik inora ezin dena onartu da nazio baten etorkizuna inguruko beste nazio handiago batek erabakitzea. Horrek beste izen bat dauka.
Duela hilabete batzuk, Espainiako alderdi sozialistak bere kongresuan erabaki zuen Espainia nazio anitza dela. Ordua izan da! Ehun urte behar izan dituzte nabaria den egoera bat onartzeko. Hilabete batzuk lehenago alderdiko idazkari nagusia aukeratzeko hauteskundeetan egindako debateko unerik komentatuenetarikoan Patxi Lopezek Sanchezi galdetu zion ea zer zen nazio bat. Eta honek, duda-mudan, sentimendu bat zela erantzun zion, katalanek eta euskaldunek geneukan sentimendu bat.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).