Euskara Herria

Erabiltzailearen aurpegia

Euskal Herriaren kasuan zalantzarik gabe esan daiteke hizkuntzak funtzio behar-beharrezkoa betetzen duela; hain beharrezkoa, non ezinezkoa bailitzateke euskararik gabeko Euskal Herria, edo are gehiago, ez luke zentzurik edukiko. Zer izango litzateke Hegoaldetik Bidasoara gaztelania hutsean dabilen herria? Eta bide beretik, Bidasoatik Iparraldera frantsesean eta frantses kulturan oinarritzen den herria?

Ikusi besterik ez dago leku askotan euskara galtzeak ekarri duela nazio-kontzientzia ere galtzea; hau da, erdera euskara ordezkatuz joan den tokietan Euskal Herriak Euskal Herri izateari uzteko bidea egin du, eta herri erdalduna bilakatzeko pausoa ere egin, hizkuntzari zein kontzientziari dagokienez.

Hala ere, nazio-errealitatea ez da aldaezina. Herria bere izatearekiko duen kontzientzian oinarritzen den neurrian, kontzientzia nazionalean indartzen da nazioa; eta kontzientziarik ezean, desnazionalizatu.

Txillardegik argi esan zuen: “Euskarak egin du Euskal Herria: euskerak ez bestek. Euskerak bizi du Euskal Herria. Euskerak mugatzen du. Eta Euskal Herria piz badadi, euskerak piztuko du”.

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).