| Osagaiak (4 lagunentzat): – 500 g. indaba (beratu barik) – Porru bat – Kipula txiki bat – 2 patata – 3 piper siku |  | – 2 txorizo – 4 urdai zati – 4 saihets zati – Olio apur bat – Gatza |
| Prestatzeko era: Presio-eltze batean indabak sartuko ditugu ur hotzetan. Su bizian izango ditugu, eta ordu laurden batean utziko ditugu irakiten. Ur hotza bota eta berriro jarriko ditugu irakiten. Gauza bera beste bi aldiz egingo dugu. Porrua txikitu eta eltzera botako dugu. Zartagin batean kipula erregosi (olio apur bat erabili) eta gehituko dugu. Piper sikuak garbitu eta horiek ere botako ditugu. Azkenik, txorizoak (erdibituta), urdaia, saihetsak eta patatak gehituko ditugu. Ura nahikoa bota, eta eltzea estaliko dugu. Balbula bueltaka hasten denean, hiru ordu laurden edukiko dugu sutan. Indabak eltze zabal batean aterako ditugu. Behar izanez gero, gatza eta ura botako ditugu. Saltsa gustura loditu arte, edukiko dugu su eztitan. | ||
120 Indaba gorriak
2009ko abe. 28a, 02:00
Maite Lekerika
(Aikor! 57) 2007ko otsaila
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).