Logoa
Logoa
aikor.eus

133 Tripakailuak

Erabiltzailearen aurpegia
Maite Lekerika
Osagaiak (lau lagunentzat):
    – 1/2 kg tripakailu
    – Kinpula gorri bi
    – 4 berakatz ale
    – Pipermin bat
    – 8 piper siku
    – Tomate frijitu zurrusta bi
    – Txorizo bat
    – Olio zurrusta bat
    – Kopa bat koñak
    – Koilarakada eder bat urin


Prestatzeko erea:
    Lehenengo eta behin, tripakailuak egosiko doguz. Hozten diranean txikertu egingo doguz. Olioa, pipermina, kinpulak eta berakatzak (ondo txikituta) kazola baten jarriko doguz su eztian, erregosi arte. Urina gehitu, eta eragin. Piperrak gehituko doguz (aldez aurretik beratuten jarri beharko doguz, eta txinotik pasatu) eta minutu bat igaro ostean, koñaka botako dogu. Sua emongo deutsagu, alkohola guztiz erre arte. Ondoren, tomatea, gatza (gustura) eta ur apur bat botako doguz. Egosten itxiko dogu ordu laurden baten. Txorizoa txikitu eta frijitu egingo dogu. Txorizoa eta tripakailuak saltsari gehitu, eta beste ordu laurden baten izango dogu egozten. Bezperan eginda, gozoago egongo da.
(Aikor! 68) 2008ko otsaila

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa