Akarbaltz gauak helburu hauek ditu: herriko iruditeria barneratzea, Mari, Basajaun eta Kukubiltxo bezalako pertsonaien bitartez, eta Larrabetzuko auzoak eta baserriak ezagututa; lurrarekiko atxikimendua lantzea; sorgintzat erre zituzten emakume baserritarren aldarria egin eta lurrari lotutako jakintzaren transmisioaren garrantzia nabarmentzea; eta emakumeen kontrako jazarpenari aurre egiteko, herrikideen arteko elkartasuna eta babesa sustatzea.
Akarbaltz gaua, Larrabetzun
2018ko aza. 5a, 11:16
Urriaren 31ren gaua Larrabetzun eta Zamudion ospatu zuten bereziki. Larrabetzun, hainbat ekintza antolatu zituzten Akarbaltz gauan: eskolakoek sortutako bertsoak kantatu zituzten, eta ostean, Akarbaltzarekin irten ziren kalera, haren lagunen bila. Bizkargi dantza taldeak Xabi Solanoren Erre zenituzten abestirako egindako koreografia dantzatu zuen plazan, eta “edabe magikoak” eman zitzaizkien umeei. Gauean, Gauragi taldeak erromeria eskaini zuen Hori Bai gaztetxean.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).