Valentzia aldetik
Euskal Herrirantza
dator lanpostu duin
baten esperantza.
Argazkiak ez deko
(ta hau ez da txantxa!)
Edvard Munch-en Oihua
koadroaren antza?
Itallen Bertso Eskola
Lanetik heldu da Marta. Valentziarra izan arren, aitarentzat txofer lanak egitera heldu zen Bilbora 2014an. Hiruzpalau hilabetetan aita lanik gabe geratu eta Valentziara bueltatu behar izan zen. Marta ez, ordea. Harrezgeroztik janari arineko jatetxean, supermerkatuan, azafata eta komertzial lanetan aritu da 24 urteko gaztea. Berez haur-hezkuntza eta aisialdiko monitore ikasketak ditu eta gaur egun poz-pozik bizi da Derion, Bilboko ume bat zaintzen.