Bidera arbola bat
jausten danean, zer?
Moztu behar badira
zenbait adar oker...
Bideak garbi doguz
eskoi eta ezker
Rafaren motozerra
ta lanari esker!
Itallen Bertso Eskola
Azaroa heze, euritsu eta haizetsu izan genuen Txorierrin, eta Viveros Pericako Rafael Gonzalez ibili zen eguraldi zoroak lehen asteburuan sortutako sarraskia konpontzen. Era honetako mantentze-lanak egiten 18 urte zituela hasi zen; azaroan, 45 urterekin, Derioko Ganbe basoan izan dugu haizeak suntsitutako zuhaitzen enborrak motozerrarekin mozten, oinezkoen istripuak ekiditeko.