Aurten maskaradak Santa Grazik

Argazkia: www.berria.info Santa Graziko azken maskaradak, 1994an. Aurten Santa Grazi herriak antolatu eta eramango ditu maskaradak herriz herri eta ohitura denez Santa Grazin bertan izango dira lehen eta azken saioak. Badira 17 urte Santa Grazi herriak maskaradarik ematen ez zuela (azkena, 1994an egin zuen) eta horregatik ikusmina handia da. ARIZALE GEHIENAK EMAKUMEAK

Guztira 30 gaztek hartuko dute parte maskaradak antolatzen eta urritik ari dira ensaioak egiten. Baina 1994an ez bezala, aurtengoan emakumezkoak izango dira gehienak, baita kargu nagusietan ere. 2007an bezala, aurten ere Xorrotx biak neskak izango dira eta 2011an Kerestuak, Zamaltzaina zikiratzen dutenak, ere neskak izango dira lehenengo aldiz (beno, lehen-lehenengoz ez, 1992an, Eskiulan, maskarada bereziak egin baitziren, andrek bakarrik egindakoak). Hauek izango dira arizaleetako batzuk: XORROTXAK: Julie Iribe eta Sophie Xutahandi KABANA HANDIA: Dominique Pinke PITXU: Franck Errezaret BUHAMEEN JAUNA (edo erregea): Herve Chuburu DANTZA ESKOLATZAILE (irakasle): Jean Etxegoien

JELKALDIAK Negu gorritik udaberria heldu arte, igandero izaten dira emanaldi edo jelkaldiak Zuberoan zehar. Hauxe da 2011ko Zuberoako maskaraden egutegia:

OTSAILA - 6, Santa Grazi - 13, Altzai - 27, Arrokiaga MARTXOA - 6, Atharratze - 12, Idauze - 13, Ligi-Atherei - 20, Iruri - 27, Urdiñarbe APIRILA - 3, Aloze - 10, Hoki (Sohüta) - 17, Altzürükü - 24, Barkoxe MAIATZA - 1, Larraine - 8, Gamere-Zihiga - 15, Santa Grazi

Iturriak: Xiberoko botza eta www.berria.info