Datorren asteburuan hasiko dira
Derioko jaiak, San Isidroak. Aurten ere
Tximintx euskara elkarteak jaietan presentzia nabarmena izango du. Urtero legez, txosna jarriko dugu
Derioko txosnagunean. Beraz, hemendik animatzen zaituztegu txosnatik pasatzera eta tragoxka batekin gozatzera.
Horretaz gain, barikuan (maiatzak 11)
Tximintx euskara elkarteak antolatuta, kontzertu mundiala izango da.
Hasteko,
Basaki taldeak motorrak berotuko ditu eta txosnagunea dantzan paratuko du. Horien ondoren,
Zea mays talde bilbotarrak plaza irakiten jarriko du euren rockarekin.
Eta, azkenik, amaitzeko
Trikizio taldeak goizeko bostak arte alaituko ditu bazterrak. Ez dago aitzakiarik, barikuan denok kontzertua ikusten.
Derioko jai egitaraua osorik ikuteko, egin klik
hemen.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
