Malen Amenabar, Udabarriko fasearen azken kanporaketaren irabazlea
a: Bizkaiko Bertsozale Elkartea
Atzo, Bizkaiko Bertsolari Txapelketaren Udabarriko fasearen azken kanporaketa egin zen Getxon, eta hura Malen Amenabar Larrañaga larrabetzuarrak irabazi zuen. Beraz, Udagoieneko fasera sailkatu da.
Udabarriko fasearen azken saioa Fadura kiroldegian jokatu zen, giro ederrean. Malenekin batera, beste bertsolari hauek aritu ziren: Aitor Ruiz Urizar, Igor Menika Bengoetxea, Inazio Vidal Gurrutxaga, Joseba Barandiaran Andueza, eta Julen Erezuma Arzanegi. Larrabetzuko neskak 183 puntu lortu zituen.
Udagoieneko fasean 30 bertsolari arituko dira bat-batean. 2014. urtean finalistak izan zirenak finalaurrekoetan sartuko dira txapelketara.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).