Irabazleekin batera, Garazi Urruti eta Irantzu Onaindia bizkaitarrek eta June Echeverria eta Maika Arostegi nafarrek hartu zuten parte, baita Aritz Martin eta Ignacio Gómez bizkaitarrek, Aritz Ruiz arabarrak eta Iñigo Lasaga nafarrak ere.
Beste alde batetik, aizkolarien erakustaldia ere egin zen eta bertan Beñat Lekue eta Aritz Oregi herriko aizkolariak ikusteaz gain, Done Intxausti eta Xabier Garcia Utxu ere aritu ziren. “Eguraldi txarra egin zuen eta egun berean, Derion, Bizipozaren jaia antolatu zuten; beraz, espero genuen baino jende gutxiago etorri zen herri kirolen jaia zuzenean ikustera. Pena izan zen”, esan digu Patxi Aguayo Larrabetzuko Udalaren zinegotziak.