Ane Baraiazarrak eta Jone Goirik Markinan jokatuko dute igandean

Aikor aldizkaria 2018ko mar. 2a, 10:06
Deskargatu Info Ahotsak :

Ane Baraiazarra eta Jone Goiri larrabetzuarrak Binakako Laboral Kutxa Emakume Master Cup pilota txapelketan gelditzen diren txorierritar bakarrak dira, eta asteburu honetan hurrengo faserako sailkapena lortzeko sartuko dira lehian. Izan ere, domekan, 17:00etatik aurrera, txapelketaren promozio mailako final-laurdenak jokatuko dira Markinako frontoian.

Jonek eta Anek Nagore Aramendi eta Oihana Unanue azpeitiarrek osatutako bikotearen kontra jokatuko dute. Hori jaialdiaren azken partida izango da eta, ziur asko, 19:15 aldera hasiko da.      

Markinan beste partida batzuk ere jokatuko dira. Hauek dira kanporaketak: Alaitz Badiola (Azpeitia)-Oihana Orbegozo (Azpeitia) Vs. Gentzane Aldai (Orozko)-Izaskun Martin (Basauri); Araitz Eizagirre (Arrua)-Naroa Elizalde (Zubieta) Vs. Maddi Unanue (Azpeitia)-Naroa Agirre (Zestoa); eta Ainhoa Urien (Abadiño)-Amaia Vicario (Donostia) Vs. Maite Tolosa (Amezketa)-Ane Arteaga (Lasarte-Oria).

Kirola Larrabetzu

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).