Literaturaz berbetan ekimenaren haritik, saio berezia eskainiko dute Xabier Mendiguren Elizegi idazleak eta Andoni Tolosa Morau kantagileak. Hala, Mendigurenek Zuk entzuteko gaude liburua aurkeztuko du eta, bitartean, Egunsentiak alperrentzat disko berriaren kantak joko ditu Morau kantagileak. Ekitaldia ekainaren 14an, 19:00etan, izango da Anguleri Kultur Etxean.
Bestetik, Audience Gernikako rock eta blus taldeak Isla disko berriaren kantak eskainiko ditu ekainaren 16an, 20:30ean, Hori Bai gaztetxean, eta, Domekak Hori Bain ekimenaren barruan, Miren Narbaiza Mice abeslari eibartarrak bere egitasmo berriaren kantak aurkeztuko ditu ekainaren 17an, 18:30etik aurrera.