Domekan, abenduak 9, Laboral Kutxa Emakume Master Cup txapelketaren finalak izango dira Azkoitian, eguerdiko 12etatik aurrera. Olatz Arrizabalak (Gauteriz Arteaga), Larrabetzuko Olarreta Pelota Elkarteko pilotariak, final horretan izango da lehen mailako kategorian, eta Patri Espinarren aurka (Usansolo) arituko da norgehiagoka.
Batak zein besteak ez dute inoiz buruz buruko txapelik jantzi Emakume Master Cup txapelketan, eta aurten ez dute aukera galdu nahi. Hainbat arrazoirengatik, iaz ezin izan zuten lehiaketan parte hartu, baina aurten indartsu datoz eta final ikusgarria espero da.
Bestetik, Oihana Orbegozo (Azpeitia) eta Amaia Alday (Dima) promozio mailan lehiatuko dira elkarren aurka.
Aurten, 92 pilotarik –80, promozio mailan; eta 12, lehen mailan– hartu dute parte Laboral Kutxa Emakume Master Cup txapelketan. Lehiaketak hiru hilabete iraun du eta, domekako saioa kontuan hartuta, orotara 165 partida jokatu dira.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).