Goiri eta Baraiazarra, Nerea Sagarna larrabetzuarri gertatu zaion moduan, itxaron beharko dute sailkapena lortu duten edo ez jakiteko. Izan ere, multzo bakoitzeko lehenengoez gain, bigarren postuan gelditu diren hiru bikoterik onenek ere lortuko dute sailkapena. Datozen asteotan, Ainara Navarro eta Alaitz Artetxe lezamarrek ere borrokatuko dute sailkapena lortzeko.
Goiri eta Baraiazarra, zain
Laboral Kutxa Emakume Master Cup binakako txapelketa hirugarren aldiz antolatu da. Hirugarren jardunaldiko jaialdia atzo, otsailaren 10ean, jokatu zen Sodupen. Jone Goiri eta Ane Baraiazarra larrabetzuarrek partida bi jokatu zituzten promozio mailan. Lehenengoan, 18 eta 16 irabazi zieten Andrea Aldaregia eta Carlota Albasi, eta bigarrenean, 18 eta 2 galdu zuten Maria Granado eta Ainhoa Lakuntzaren aurka.