Eguerdi aldera, 12:30ean, Iñaki Suarez sommelierrak brindisa egingo du, eta ondoren txakolina dastatzeko aukera izango dute bisitariek eta herritarrek. Era berean, Udalak pintxoak banatuko ditu doan. “Herriko elkarteekin gabiltza lanean, horrelako ekitaldiak antolatzeko. Aurten, txakolin-edalontziak 5,50 euro balioko du eta kopa bakoitzeko euro bat Garmitxa elkarteari emango diogu. Beraz, edalontzia erosten duenak elkarte horrekin egingo du bat, hiru txakolin hartuko ditu eta kopa etxera eramango du”, esan digu Iñigo Gaztelu Larrabetzuko alkateak. Iaz, 500 kopa saldu ziren.
Domekan, apirilaren 14an, Txakolinaren Eguna ospatuko dute Larrabetzun 18. aldiz. Azokak ortuko produktuak eta, noski, txakolina bultzatzea du helburu. Guztira, zazpi txakolin-egile batuko dira: lau lezamar –Magalarte, Basalbeiti, Erdikoetxe eta Garkalde– eta hiru larrabetzuar –Gorka Izagirre, Sasine eta Bitxia–. Gainera, Gurpide elkarteak postu batzuk jarriko ditu eta betiko moduan, bertoko produktuak salduko dira bertan: ogia, barazkiak, gazta... Urtero moduan, Larrabetzuko Udalak antolatuko du azoka.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).