Etxeandia bilatzeko lanei berriro ekin diete gaur goizean

Larrabetzuarra Gorbeian desagertu zen domekan, eta gaur goizean berriro ekin diete hura topatzeko lanei. Atzo moduan, mendira larrabetzuar-talde bat joan da bilatze-lanetan parte hartzera. Besteak beste, SOS Deiak-ko kideak, Ertzaintza, helikoptero bat, Gurutze Gorriko eta DYAko kideak eta boluntarioak dabiltza bilatze-lanetan. Atzo informazio-bilera bat egin zen Larrabetzun, eta, azaldu zutenez, gaur Itxinatik ibiliko dira ea Etxeandia topatzen duten. Atzo laino handia zabaldu zen gune horretan, eta zaila izan zen bertan bilatzea.