Emaitzak adierazten du partidan ez zen lehia handirik egon, baina hori ez da inondik inora benetan gertatu zena. Aldaregiak eta Urkizuk gogor borrokatu zuten eta irabazleek hainbat pilotakada eman behar izan zituzten, garaipena eskuratzeko. Etxaniz iazko txapelduna da eta aurten ere sasoian badabilela erakutsi zuen. Etxebestek ere lan txukuna egin zuen eta izugarrizko laguntza eman zion kideari.
Bikoteak Iera Agirre eta Maite Ruiz de Larramendi izango ditu aurkari hurrengo norgehiagokan. Horiek 18 eta 8 irabazi zieten Ane Arteagari eta Maider Mendizabali. Era berean, Eneritz Arrietak eta Amaia Jakak 18 eta 1 jipoitu zituzten Uxue Larrea eta Lierni Gartziarena; eta Nagore eta Eider Galeano 18 eta 13 nagusitu ziren Ainhoa Ruiz de Infanteren eta Oihana Orbegozoren aurka.