Hirurogeita hamahiru minutuko emanaldia izango da eta emakumeen lanek indar handia edukiko dute. Euskaltzaleen Topaguneak Laburbira euskarazko film laburren zirkuitua antolatu du hamazazpigarren aldiz, eta egitasmoak guztira 33 herri bisitatuko ditu. Laburbirak euskal ikus-entzunezkoen harrobian ekoiztutako lan interesgarrienak hainbat aretotara eramaten ditu urtero, publikoak horiek gozatzeko eta egitasmoa bera euskal sortzaileen erakusleiho izateko. “Azken urteetako ikus-entzunezkoen urrezko denboraldiak argi erakusten du euskarazko lanen kalitatearen gorakada, eta beste urte batez Laburbira horren erakusgarri izango da”, esan du Johana Olabarria egitasmoaren antolatzaileak.
Euskarazko bederatzi film labur emango dira eskolan 20:00etatik aurrera: Gau Beltza (Euskaltzaleen Topagunea), Urak dakarrena (Marilin taldea), Anti (Josu Martinez), Tigre bat (Amaia San Sebastian), Pil Pil (Kristina Zorita), Mamarro (Ibon Iza Totorika), Kateak (Yolanda Mazkiaran), Jauzi bat eta Prixt (Maitane Eyheramonho) eta Harria herria (Dimegaz Kultur Elkartea).
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).