Bideoak gorahaurtzarolarrabetzu@gmail.com helbidera bidali behar dira apirilaren 24ko 20:00ak baino lehen. Lanak horizontalean grabatu behar dira eta protagonistak hiru urtetik 14 urteko umeak izango dira. Umeei bost galdera egin behar zaizkie: Nola sentitzen zara egun hauetan? Zeren falta sentitzen duzu? Desio bat? Zer esango/galdetuko zenieke Euskal Herriko beste umeei? Gehitzekorik? Bakarrik erantzunak grabatu behar dira, eta banan-banan, bideoak pisu handirik ez izateko. Bideoak gizarte-sareetan partekatuko dira. Horren harira, antolatzaileek adierazi dute bideoa jasoz gero ulertzen dutela igorleak horretarako baimena ematen diela.
Fotokopia-zerbitzua
Bestalde, Larrabetzuko Udalak fotokopiak egiteko doako zerbitzua ipini du ikasleen eskura konfinamendua indarrean dagoen bitartean. Dokumentua alkatetza@larrabetzu.eus helbide elektronikora bidali behar da eta udala igorlearekin ipiniko da harremanetan fotokopiak emateko.
Dokumentuak ezin izango ditu 50 orrialde baino gehiago izan eta igorlea egiten dabilen ikasketei buruzkoa izan beharko du. Dokumentuaren kopia bakarra eskatu ahalko da.
Koronabirusaren gaineko datuak Txorierrin hemen.